Qazlı içki siçanı əridə bilərmi? (ABŞ)

2009-cu ildə ABŞ-nin İllinoys ştatında Ronald Ball adlı şəxs aldığı “Mountain Dew” içkisindən ölü siçan çıxdığını iddia etmiş və 75.000 dollardan çox təzminat tələb edərək sərinləşdirici içki nəhəngi “PepsiCo”nu məhkəməyə vermişdir.

Ballın iddialarına cavab olaraq “PepsiCo” məhkəməyə diqqətçəkən əsaslandırması olan müdafiə ilə heyvan patologiyası üzrə ixtisaslı baytar həkim Lawrence McGill tərəfindən verilən rəyi təqdim etmişdir.

Dr. McGill rəyində göstərmişdir ki: “Siçan 30 gün və ya daha çox müddət ərzində “Mountain Dew” kimi qazlı qarışığın tərkibindəki turşulu mayenin içində qaldıqdan sonra elə parçalanar ki, heç bir hissəsi (quyruğun bir hissəsi istisna olmaqla) tanınmaz və buna görə də heyvanın özü də tanınmaz hala gələr. Əvəzində mayedə 30 gün qaldıqdan sonra siçan jeleyə bənzər bir maddəyə çevrilmiş olar. Həmçinin tapılmış heyvanın daxili orqanlarının vəziyyətinə görə demək mümkündür ki, içki istehsal ediləndə o hələ doğulmamışdı”. Bununla birlikdə “PepsiCo” öz müdafiəsində siçanın 15 ay qutuda qalmasının onu jele kimi etmək üçün kifayət qədər çox olduğunu göstərmiş və vurğulamışdır ki, qeyd edilən səbəblərdən içki istehsal edildiyi tarixdən etibarən siçanın onun tərkibində olması ehtimalı yoxdur.

Eyni şəkildə, Rochester Universiteti Tibb və Stomatologiya Məktəbindən Dr. Yan-Fanq Ren də “Mountain Dew” kimi sərinləşdirici içkinin suya batırılmış bir siçanı həll edə biləcəyini və geridə yalnız bir qədər yumşaq toxuma buraxa biləcəyini söyləmiş və əlavə etmişdir ki, “Mountain Dew” və “Sprite” kimi qazlı içkilər diş minasını digər içkilərə münasibətdə 6 dəfə daha tez aşındırır. O, həmçinin bildirmişdir ki, bu içkilər siçanı əridə bilsə də, onu yox edə bilməz, ondan geriyə kollagen və yumşaq toxuma hissəsi qalar.

Məhkəmə işi tərəflərin ictimaiyyətə açıqlanmayan məbləğdə əldə etdikləri razılıq ilə başa çatmışdır.

Abunə ol
xəbərdar edin
guest
0 Şərhlər
Daxili Əlaqələr
Bütün şərhlərə baxın

Digər Yazılar

Meymun öz müəlliflik hüquqları uğrunda mübarizə aparır (ABŞ)

“Naruto Slaterə qarşı” işində Naruto adlı meymun təbiət fotoqrafının kamerası ilə çəkdiyi selfilərin müəlliflik hüquqlarının pozulması əsası ilə fotoqrafı məhkəməyə vermişdir. Mübahisə isə fotoqraf David Slater və nəşriyyat şirkəti “Wildlife Personalities” şirkətinin meymun selfilərini albom şəklində nəşr etdirməsi ilə başlamışdır. Narutonun təmsilçisi “PETA” şirkəti isə iddia edirdi ki, selfilər Slaterin köməyi olmadan bir sıra məqsədyönlü və könüllü hərəkətləri nəticəsində Narutonun

Davamını oxu »

İddia rekordçusu Ginnesin Rekordlar Kitabını da məhkəməyə verib (ABŞ)

Bu gün sizə məhkəməyə ən çox iddia vermiş şəxsdən – Conatan Li Riçesdən danışacağıq. Belə ki, o, 2006-cı ildən bəri ABŞ məhkəmələrində 2600-dən çox iddia qaldıraraq ümumilikdə 8 milyon dollara yaxın təzminat alıb. O, ilk iddiasını ona yaxşı baxmadığını əsas gətirərək anasına qarşı irəli sürüb və 20 min dollar təzminat qazanıb. Bu başlanğıc onu o qədər ruhlandırıb ki, o, dostunu,

Davamını oxu »

Bitişik əkizləri ayıran məhkəmə işi (İngiltərə)

İngiltərədə doğulan bitişik əkizlər Qreysi və Rozi doğumları ilə valideynlərini çətin bir qərarla üz-üzə qoymuşdular. Belə ki, körpələrin sağlamlıq vəziyyətini dəyərləndirən həkimlər onları cərrahi yolla ayırmağa qərar vermiş, lakin valideynlər bu qərara birmənalı şəkildə qarşı çıxmışdılar. Çünki Rozi qan üçün yetərli oksigeni Qreysidən alırdı. Əgər əməliyyat baş tutsa idi, Qreysinin sağ qalma şansı 94% olacaq, Rozi isə Qreysidən asılı olduğu

Davamını oxu »

Ödənişsiz hüquqi yardım

Hörmətli vətəndaş,

Azərbaycan Respublikasının Vəkillər Kollegiyası və ELSA Azərbaycanın birgə təşəbbüsü ilə yaradılan, əsas məqsədlərindən biri dairəsi qanunvericiliklə müəyyən edilən həssas əhali qruplarına ödənişsiz hüquqi yardımın göstərilməsi olan “ProDemos-Xalq üçün” olaraq sizə dövlət hesabına peşəkar hüquqi yardım almaq hüququnuzdan istifadə etməyiniz üçün dəstək ola bilərik.

Bunun üçün “Ödənişsiz hüquqi yardım” pəncərəsinə klikləyərək müvafiq məlumatları doldurmağınız kifayətdir.