“👍🏻” emojisi müqavilə şərtlərinə razılıq kimi qiymətləndirilib (Kanada)

2023-cü ilin iyun ayında Kanada məhkəməsi “WhatsApp” tətbiqi vasitəsilə göndərilən “👍🏻” emojisini müqavilə şərtlərinə razılıq verilməsi kimi şərh etmişdir.

Alıcı Kent Miklboro fermer Kris Ektr ilə olan telefon danışığı nəticəsində fermerə müqaviləni “WhatsApp” tətbiqi vasitəsilə göndərmiş və “xahiş edirəm, müqaviləni təsdiq edin” mesajını yazmışdır. Fermer isə “👍🏻” emojisi ilə cavab vermiş, lakin sonradan öz öhdəliyini icra etməmişdir. Nəticədə tərəflər arasında məhkəmə mübahisəsi yaranmışdır.

Alıcı fermerin “👍🏻” emojisini atması ilə onun müqaviləni təsdiqləmiş olduğunu iddia etsə də, fermer həmin emoji vasitəsilə sadəcə müqaviləni baxılmaq üçün qəbul etdiyini ifadə etdiyini qeyd etmişdir. Məhkəmə tərəflərin mövqeyini dinləyərək və işin hallarını araşdıraraq belə nəticəyə gəlmişdir ki, tərəflər arasında baş tutmuş telefon danışıqları vasitəsilə fermer müqaviləyə olan marağını əvvəlcədən ifadə etmişdir. Bu proseslərin fonunda “WhatsApp” tətbiqi vasitəsilə müqavilə mətninin göndərilməsinə qarşılıq həmin emojinin göndərilməsi tərəfin müqaviləni təsdiqləməsi kimi şərh edilməlidir.

Abunə ol
xəbərdar edin
guest
0 Şərhlər
Daxili Əlaqələr
Bütün şərhlərə baxın

Digər Yazılar

Meymun öz müəlliflik hüquqları uğrunda mübarizə aparır (ABŞ)

“Naruto Slaterə qarşı” işində Naruto adlı meymun təbiət fotoqrafının kamerası ilə çəkdiyi selfilərin müəlliflik hüquqlarının pozulması əsası ilə fotoqrafı məhkəməyə vermişdir. Mübahisə isə fotoqraf David Slater və nəşriyyat şirkəti “Wildlife Personalities” şirkətinin meymun selfilərini albom şəklində nəşr etdirməsi ilə başlamışdır. Narutonun təmsilçisi “PETA” şirkəti isə iddia edirdi ki, selfilər Slaterin köməyi olmadan bir sıra məqsədyönlü və könüllü hərəkətləri nəticəsində Narutonun

Davamını oxu »

İddia rekordçusu Ginnesin Rekordlar Kitabını da məhkəməyə verib (ABŞ)

Bu gün sizə məhkəməyə ən çox iddia vermiş şəxsdən – Conatan Li Riçesdən danışacağıq. Belə ki, o, 2006-cı ildən bəri ABŞ məhkəmələrində 2600-dən çox iddia qaldıraraq ümumilikdə 8 milyon dollara yaxın təzminat alıb. O, ilk iddiasını ona yaxşı baxmadığını əsas gətirərək anasına qarşı irəli sürüb və 20 min dollar təzminat qazanıb. Bu başlanğıc onu o qədər ruhlandırıb ki, o, dostunu,

Davamını oxu »

Bitişik əkizləri ayıran məhkəmə işi (İngiltərə)

İngiltərədə doğulan bitişik əkizlər Qreysi və Rozi doğumları ilə valideynlərini çətin bir qərarla üz-üzə qoymuşdular. Belə ki, körpələrin sağlamlıq vəziyyətini dəyərləndirən həkimlər onları cərrahi yolla ayırmağa qərar vermiş, lakin valideynlər bu qərara birmənalı şəkildə qarşı çıxmışdılar. Çünki Rozi qan üçün yetərli oksigeni Qreysidən alırdı. Əgər əməliyyat baş tutsa idi, Qreysinin sağ qalma şansı 94% olacaq, Rozi isə Qreysidən asılı olduğu

Davamını oxu »

Ödənişsiz hüquqi yardım

Hörmətli vətəndaş,

Azərbaycan Respublikasının Vəkillər Kollegiyası və ELSA Azərbaycanın birgə təşəbbüsü ilə yaradılan, əsas məqsədlərindən biri dairəsi qanunvericiliklə müəyyən edilən həssas əhali qruplarına ödənişsiz hüquqi yardımın göstərilməsi olan “ProDemos-Xalq üçün” olaraq sizə dövlət hesabına peşəkar hüquqi yardım almaq hüququnuzdan istifadə etməyiniz üçün dəstək ola bilərik.

Bunun üçün “Ödənişsiz hüquqi yardım” pəncərəsinə klikləyərək müvafiq məlumatları doldurmağınız kifayətdir.