Ölmüş şəxsin əmlakı başqa şəxslərə iki yolla keçə bilər:
• vəsiyyətnamə üzrə
• qanun üzrə
Əgər ölmüş şəxs vəsiyyətnamə qoymamışdırsa, bu zaman onun əmlakı qanunla müəyyən edilmiş şəxslərə keçəcək. Yəni vəsiyyətnamə olmadıqda qanun özü müəyyənləşdirir ki, miras kimə çatsın.
Qanun üzrə vərəsəliyin 5 növbəsi müəyyənləşdirilmişdir.
• Birinci növbə – ölənin uşaqları, miras qoyanın ölümündən sonra doğulmuş uşaq, arvad (ər), valideynlər (övladlığa götürənlər);
• İkinci növbə – ölənin bacıları və qardaşları;
• Üçüncü növbə- həm ana tərəfdən, həm də ata tərəfdən nənə və baba, nənənin anası və atası, babanın anası və atası;
• Dördüncü növbə – xalalar və bibilər, dayılar və əmilər;
• Beşinci növbə – xala uşaqları və bibi uşaqları, dayı uşaqları və əmi uşaqları, onlar sağ olmadıqda isə onların uşaqları. Bu deməkdir ki, əgər ölmüş şəxsin uşaqları varsa, miras onlara çatacaq. Birinci növbədə göstərilən şəxslərdən heç biri olmazsa, miras ikinci növbədə olan şəxslərə ötürüləcək. Əgər ikinci növbədə olan şəxslər də olmazsa, miras üçüncü şəxslərə keçəcək.
