Şəxs öz əmlakını və ya onun bir hissəsini həm vərəsələri sırasından, həm də kənar adamlar sırasından bir və ya bir neçə şəxsə miras qoya bilər. Lakin nəzərə alınmalıdır ki, vəsiyyət edənin uşaqlarının (övladlığa götürülənlərin), valideynlərinin (övladlığa götürənlərin) və arvadının (ərinin) vəsiyyətnamənin məzmunundan asılı olmayaraq, mirasda məcburi payı vardır. Bu pay qanun üzrə vərəsəlik zamanı onlara çatası payın yarısını təşkil etməlidir.
Həmçinin onu da qeyd edək ki, yuxarıda sadalanan şəxs(lər) məhkəmə qaydasında vərəsəlik hüququndan məhrum edilmişdirlərsə, onlar məcburi pay hüququndan da məhrum olmuş sayılırlar.
