Azərbaycan Respublikasının Mülki Məcəlləsinə əsasən, müqavilənin standart şərtləri o zaman etibarlı sayıla bilər ki, müqavilədə standard şərtlərlə bağlı ayrıca qeyd olsun, digər tərəfə bu şərtlərlə tanış olmaq üçün şərait yaradılsın və digər tərəfin həmin şərtlərlə razı oduğu və qəbul etdiyi göstərilsin. Əks halda, müqavilənin hər hansı etibarlılığı olmayacaqdır.
Onu da qeyd edək ki, müqavilənin standart şərtləri dedikdə əvvəlcədən işlənib hazırlanan, dəfələrlə istifadə üçün nəzərdə tutulan, tanış olmaq üçün digər tərəfə təqdim olunan şərtlər başa düşülür. Standart şərtli müqavilələr banklar, sığorta və mobil operatorlar kimi müəssisələrin gündəlik olaraq minlərlə şəxslərlə bu cür müqavilələr bağlamasını nəzərə alaraq prosesin sürətlədirilməsi məqsədilə formalaşdırılmışdır.
İstinadlar:
1. Azərbaycan Respublikasının Mülki Məcəlləsi, maddə 418.1.
2. Azərbaycan Respublikasının Mülki Məcəlləsi, maddə 417.1.
Mənəvi zərərin ödənilməsi hansı hallarda tələb edilə bilər?
Şəxsə mənəvi zərər vurulması aşağıdakı hallarda özünü büruzə verə bilər: Qeyd edək ki, mənəvi zərərin ödənilməsini tələb etmək hüququ yalnız fiziki şəxslərə aiddir və mənəvi zərərin ödənilməsi tələbi iddiaçının şəxsiyyəti ilə əlaqədar olduğu üçün bu tələb üzrə hüquq varisliyinə də yol verilmir. Lakin, iddiaçının xeyrinə mənəvi zərərin tutulması barədə qətnamə qanuni qüvvəyə mindikdə və o, həmin məbləği alana kimi vəfat
