“Borc vermişəm, qaytarılmır. Nə etməliyəm?”

Verilmiş borcun məbləği 3.000 manatdan çoxdursa və ya məbləğindən asılı olmayaraq, müqavilənin iştirakçılarından biri hüquqi şəxsdirsə, borc müqaviləsi yazılı formada bağlanılmalıdır. Əgər borc müqaviləsində borcun qaytarılması üçün müddət müəyyən edilməmişdirsə, borcverən borcun qaytarılmasını istənilən vaxt tələb edə bilər. Tərəflərin razılaşması ilə daha uzun müddət nəzərdə tutulmayıbsa, borcverənin icra barədə tələbini almış borcalan 1 ay müddətində borcu qaytarmalı, habelə faizləri və (və ya) haqları ödəməlidir.

Bəs yazılı müqavilə yoxdursa, bu halda borcun həqiqətən verilməsi məhkəmədə necə sübut edilə bilər?

Şifahi qaydada bağlanan borc müqaviləsi məhkəmədə əlavə sübutlarla (şahidlərin ifadələri, tərəflər arasında borcla bağlı yazılı hər hansı sübut) təsdiq edilə bilər.

Konstitusiya Məhkəməsinin mövqeyinə əsasən, şəxs tərəfindən qarşı tərəfin bildirdiyi iradə ifadələrini əks etdirən danışıqların həmin münasibət barəsində yaranan hüquqi mübahisənin həllində istifadə olunması şəxsi toxunulmazlıq hüququnun pozuntusu kimi qiymətləndirilə bilməz. Başqa şəxslə deyil, birbaşa əlaqədar tərəflər arasında olan danışıqların mülki mübahisənin həlli zamanı istifadə edilməsi qanunsuz sübutdan istifadə edilməsi anlamına gəlmir.

Bir sözlə, əgər borcun verilməsi ilə bağlı sizin qarşı tərəflə hər hansı yazışmanız varsa, (məsələn WhatsApp yazışması) bu yazışma məhkəmə tərəfindən sübut olaraq qəbul edilə bilər. Səs yazısı, telefon danışıqlarının isə təklikdə sübut qismində mötəbərliyi qarşı tərəfin montaj olunduğunu iddia etməsi və s. kimi hallar nəticəsində şübhə altına alına bilər.

Abunə ol
xəbərdar edin
guest
0 Şərhlər
Daxili Əlaqələr
Bütün şərhlərə baxın

Digər Yazılar

“Qonşumun iti mənə hücum etdi və dişlədi, bu zaman qonşu məsuliyyət daşıyacaqmı?”

Qanunvericiliyə əsasən, ev heyvanları tərəfindən adamların dişlənməsi zamanı onlara dəyən ziyan və müalicə xərcləri heyvan sahibi tərəfindən ödənilməlidir. İtlərin cilovsuz, iri itlərin isə həmçinin buruntaqsız ümumi məhəllələrdə və ya küçələrdə gəzdirilməsinə, o cümlədən ev heyvanlarının insanların üzərinə saldırılmasına görə həmin heyvanların sahibləri 200 manat məbləğində cərimə edilirlər. Bundan əlavə, əgər bu əməllər zərərçəkmiş şəxsin sağlamlığına yüngül bədən xəsarətinin yetirilməsinə və

Davamını oxu »

İstifadə edilməyən məzuniyyət günlərinin əvəzi ödənilməlidirmi?

Azərbaycan Respublikasının Əmək Məcəlləsinə əsasən, əmək müqaviləsinə xitam verilməsinin səbəbindən və əsasından asılı olmayaraq işçiyə işdən çıxan günədək hər hansı şərt və ya məhdudiyyət qoyulmadan istifadə etmədiyi bütün iş illərinin əsas məzuniyyətlərinə görə pul əvəzi ödənilməlidir. Yəni işçi əsas məzuniyyətini istifadə edə bilməsə belə, həmin günlərə görə ödəniş almaq hüququ vardır. Onu da qeyd edək ki, əmək münasibətlərinə xitam verilərkən

Davamını oxu »

Ödənişsiz hüquqi yardım

Hörmətli vətəndaş,

Azərbaycan Respublikasının Vəkillər Kollegiyası və ELSA Azərbaycanın birgə təşəbbüsü ilə yaradılan, əsas məqsədlərindən biri dairəsi qanunvericiliklə müəyyən edilən həssas əhali qruplarına ödənişsiz hüquqi yardımın göstərilməsi olan “ProDemos-Xalq üçün” olaraq sizə dövlət hesabına peşəkar hüquqi yardım almaq hüququnuzdan istifadə etməyiniz üçün dəstək ola bilərik.

Bunun üçün “Ödənişsiz hüquqi yardım” pəncərəsinə klikləyərək müvafiq məlumatları doldurmağınız kifayətdir.