“Avtomobildən istifadəyə dair etibarnaməni notariusa müraciət etmədən necə verə bilərəm?”

“Mobil notariat” tətbiqi vasitəsilə avtomobilinizdən istifadə edilməsi üçün notariusa müraciət etmədən etibarnamə verə bilərsiniz. Bunun üçün:

1. İlk növbədə aşağıda sizə təqdim olunan linklər vasitəsilə “Mobil notariat” tətbiqini telefonunuza yükləyin və açılmış pəncərədə sizə təqdim olunan 3 qeydiyyat üsulundan birini seçərək qeydiyyatdan keçin;

2. Açılmış pəncərədə “+” işarəsi, daha sonra “Yeni etibarnamə üçün müraciət”, daha sonra isə “Nəqliyyat vasitəsindən istifadə edilməsinə dair etibarnamə” düyməsinə basın;

3. Açılmış pəncərədə hansı avtomobilinizdən istifadəyə dair etibarnamə vermək istəyirsinizsə, onun üzərinə gəlib “seç” düyməsinə basın;

4. Açılmış pəncərədə ilk xanada etibarnamə verdiyiniz şəxsin şəxsiyyət vəsiqəsinin FİN kodunu, ikinci xanada isə həmin şəxsin sürücülük vəsiqəsinin seriya və nömrəsini daxil edin və “axtar” düyməsinə basın;

5. Açılmış pəncərədə etibarnaməni vermək istədiyiniz müddəti daxil edin, “bu etibarnamə üzrə səlahiyyətlər başqa şəxsə verilə bilər” xanasını işarələyin və ya sizin verdiyiniz səlahiyyətlərin başqa şəxsə verilməsini istəmədiyiniz halda, işarələmədən “irəli” düyməsinə basın;

6. Açılmış pəncərədə birinci xanada hazırda olduğunuz şəhəri, ikinci xanada öz mobil telefon nömrənizi, üçüncü xanada etibarnamə verdiyiniz şəxsin mobil telefon nömrəsini yazın və “təsdiqlə” düyməsinə basın;

7. Məlumatların düzgünlüyünü yoxlayın, “təsdiqlə” düyməsini və “müraciət et” düyməsini basın;

8. Açılmış pəncərdə yazılmış təlimatı diqqətlə oxuyun və “videoçəkilişə başla” düyməsinə basın;

9. Çəkdiyiniz videonu təsdiqlədikdən sonra açılan dövlət rüsumunun ödənilməsi pəncərəsində qeyd edilmiş məbləğin ödənilməsi üçün “Ödə” düyməsinə basın, kart məlumatlarınızı daxil edin və “təsdiqlə” düyməsinə basın;

10. Açılmış pəncərədə kartınızdan çıxılacaq rüsum ilə tanış olun və “təsdiq et” düyməsinə basın.

“Mobil notariat” tətbiqini yükləmək üçün:

1. https://apps.apple.com/az/app/mobil-notariat/id1453025726

2. https://play.google.com/store/apps/details?id=az.crocusoft.nseq

Abunə ol
xəbərdar edin
guest
0 Şərhlər
Daxili Əlaqələr
Bütün şərhlərə baxın

Digər Yazılar

“Mən işsizəm, adıma pay torpağı var. O torpaq mənim gəlir mənbəyimdir. Ünvanlı dövlət sosial yardımı almaq üçün müraciət etdim, lakin imtina cavabı aldım. Səbəbi nədir?”

Əgər vətəndaşın adına pay torpağı varsa, o, pay torpağının sənədini (yəni çıxarışı) əldə etdikdən sonra onu müvafiq icra hakimiyyəti orqanında, yəni İqtisadiyyat Nazirliyi yanında Dövlət Vergi Xidmətində qeydiyyata salmalıdır. Müraciətdən sonra vətəndaşa VÖEN açılır və VÖEN üzrə sığortaedənlərin uçot nömrəsi (yəni SUN kod) verilir. Müraciətlə bağlı əsas məqam isə ondan ibarətdir ki, şəxsə bu halda sosial yardım o zaman təyin

Davamını oxu »

“ASAN Növbə” tətbiqi

“ASAN Növbə” mobil tətbiqi ASAN Xidmət mərkəzlərində əvvəlcədən onlayn növbə tutulması imkanının yaradılması məqsədilə hazırlanmışdır. Qeydiyyatdan keçdikdən sonra tətbiq vasitəsilə istifadəçinin həm özü, həm də digər şəxslər (“əlaqələr”) üçün növbə götürməsi mümkündür. Tətbiqdən istifadə ilə bağlı diqqət yetirilməli olan bəzi məqamlar vardır. Belə ki: 1) Adıçəkilən “əlaqələr”in sayı 5-dən artıq ola bilməz; 2) Bir mobil cihazdan 30 gün ərzində ümumilikdə

Davamını oxu »

Daşınmaz əmlak alınması üçün etibarnamənin elektron verilmə qaydası

“Mobil notariat” tətbiqi vasitəsilə daşınmaz əmlakınıza dair sərəncam vermək (satmaq, bağışlamaq, icarəyə vermək, və s.), o cümlədən yeni daşınmaz əmlak əldə etmək üçün notariat orqanına getmədən istədiyiniz şəxsə etibarnamə verə bilərsiniz. Bunun üçün ilk növbədə “Mobil notariat” tətbiqini telefonunuza yükləyin və açılmış pəncərədə sizə təqdim olunan 3 qeydiyyat üsulundan birini seçərək qeydiyyatdan keçin. Açılmış pəncərədə “+” işarəsi, daha sonra “Yeni

Davamını oxu »

Ödənişsiz hüquqi yardım

Hörmətli vətəndaş,

Azərbaycan Respublikasının Vəkillər Kollegiyası və ELSA Azərbaycanın birgə təşəbbüsü ilə yaradılan, əsas məqsədlərindən biri dairəsi qanunvericiliklə müəyyən edilən həssas əhali qruplarına ödənişsiz hüquqi yardımın göstərilməsi olan “ProDemos-Xalq üçün” olaraq sizə dövlət hesabına peşəkar hüquqi yardım almaq hüququnuzdan istifadə etməyiniz üçün dəstək ola bilərik.

Bunun üçün “Ödənişsiz hüquqi yardım” pəncərəsinə klikləyərək müvafiq məlumatları doldurmağınız kifayətdir.