Azərbaycan Respublikasının işğaldan azad edilmiş bölgələrində işləyən mütəxəssislər 600 manat məbləğində birdəfəlik sosial müavinət ala bilərlər.
Aşağıdakı şərtlər olduqda həmin mütəxəssislərə birdəfəlik müavinət təyin olunur:
1) Mütəxəssislərlə əmək müqaviləsi bağlayan işəgötürən işğaldan azad edilmiş ərazidə vergi uçotunda olmalıdır;
2) Mütəxəssislərin əmək müqaviləsi bağladığı yer işğaldan azad olunmuş ərazidə yerləşməlidir;
3) Mütəxəssislər işğaldan azad olunmuş yerdə məskunlaşmalıdırlar.
Bəs mütəxəssislər dedikdə kimlər nəzərdə tutulur?
1) Peşə, orta ixtisas və ya ali təhsili olması ilə bağlı dövlət sənədi olan;
2) Son 60 ay ərzində fasiləli və ya son ən azı 24 ay ərzində fasiləsiz əmək stajı olan;
3) İşğaldan azad olunmuş ərazidə əmək müqaviləsi əsasında çalışan şəxslər.
